މިއީ ކޮންމެ މަހަކު އެއްފަހަރު ޝާއިއުކުރާ ލިޔުންތަކެކެވެ. މި ލިޔުންތަކަކީ ދިވެހި ފުލުހުންގެ ޚިދުމަތުން 2023

ވަނަ އަހަރަށް ތައްޔާރުކުރި ކަލަންޑަރުގައި ހިމަނާފައިވާ، ފުލުހުންގެ އެކި ދާއިރާތަކާ ގުޅުންހުރި މައުލޫމާތު ހިިމެނޭ ލިޔުންތަކެކެވެ. މި ސިލްސިލާގެ އަށްވަނަ ލިޔުން ހާއްސަކޮށްފައިވަނީ ދިވެހި ފުލުހުންގެ ޚިދުމަތުގެ އޭ.އެން.ޕީ.އާރު ސިސްޓަމަށެވެ.

އޭ.އެން.ޕީ.އާރު ސިސްޓަމަކީ މާލޭގެެ އެކި ސަރަހައްދުތަކުގައި ހަރުކުރާ ވަކި ހާއްސަ ކެމެރާތަކެކެވެ. މި ކެމެރާތަކުން ވެހިކަލްގެ ނަންބަރު ޕްލެޓް ދެނެގަނެވޭނެއެވެ. އަދި މި ސިސްޓަމްގެ ތެރެއިން، މި ވެހިކަލަކީ ކޮން ބްރޭންޑެއްގެ ވެހިކަލެއްކަން ވެސް ދެނެގަނެވެއެވެ. މީގެ ސަބަބުން، ފުލުހުންކުރާ ތަހުގީގުތަކަށް ނުހަނު ބޮޑެތި ކުރިއެރުންތައް ލިބި މައްސަލަތައް ތަހުގީގުކުރުމުގައި އަވަސްވެގެން ދެއެވެ.

ކުރިއަށް އޮތްތާނގައި މިފަދަ ޕްރޮޖެކްޓުތައް ދިވެހި ފުލުހުންގެ ޚިދުމަތުން، އާބާދި ބޮޑެތި އަތޮޅުތަކުގައި ވެސް ކުރިއަށް ގެންދިއުމަށް ވަނީ ރޭވިފައެވެ.

މީގެ އިތުރުން މި ސިސްޓަމްގެ ސަބަބުން، ޓްރެފިކް ގަވާއިދާ ހިލާފަށް މަގުމަތީގައި ޕާކުކުރާ ފަރާތްތަކާއި، އާންމު ރައްޔިތުންނަށް އުނދަގޫވާގޮތަށް މަގުމަތި ބޭނުންކުރާ ފަރާތްތައް ދެނެގަނެވޭނެއެވެ. އަދި މާލެތެރޭގައި ޓްރެފިކް ބާރުބޮޑުވާ ވަގުތުތަކަކީ ކޮބައިކަން ދެނެގަނެވި މިކަންކަން ހައްލުކުރުމަށް އެހީތެރިވެދޭނެއެވެ.