ޓްރެއިނިންގ އޮން ވިކްޓިމް ސެންޓާޑް އެޕްރޯޗް ޓު ޗައިލްޑް އެކްސްޕްލޮއިޓޭޝަން އިންވެސްޓިގޭޝަން ޓްރެއިނިންގ ޕްރޮގްރާމް ކ. ތުލުސްދޫގައި ކުރިއަށް ގެންގޮސްފިއެވެ.

މި ޕްރޮގްރާމަކީ ފެމެލީ އެންޑް ޗައިލްޑް ޕްރޮޓެކްޝަނާއި ކ. އަތޮޅު ޕޮލިސް ގުޅިގެން މި މަހު 21 އިން 22 އަށް ކުރިއަށް ގެންދިޔަ ޕްރޮގްރާމެކެވެ.

މި ޕްރޮގްރާމުގައި ކުޑަކުދިންގެ މައްސަލަތައް ތަހުގީގު ކުރުމުގައި ސަމާލުކަންދޭންވީ ކަންތައްތަކާއި ކުޑަކުދިން ހިމެނޭ މައްސަލަތައް ތަހުގީގު ކުރުމުގައި ދިމާވާ ހުރަސްތައް ދެނެގަނެ އަދި އެކަންކަން ހައްލުކުރާނެ ގޮތްތަކާ ގުޅޭގޮތުން މައުލޫމާތު ދީފައިވެއެވެ. އަދި ބައިވެރިންގެ މެދުގައި ހިޔާލުބަދަލުކޮށް މަޝްވަރާކޮށްފައިވެއެވެ.

ފެމެލީ އެންޑް ޗައިލްޑް ޕްރޮޓެކްޝަން އިން މައުލޫމާތު ދެއްވި މި ޕްރޮގްރާމުގައި ކ. އަތޮޅުގައި މަސައްކަތްކުރާ 17 ފުލުހުން ބައިވެރިވެފައިވެއެވެ.